अमळनेर :- जळगाव जिल्ह्यात सध्या अवैध धंद्यांचा अक्षरशः सुळसुळाट झाला असून, कायदा-सुव्यवस्थेची अवस्था अत्यंत चिंताजनक बनली आहे. जिल्ह्यातील अनेक भागांत परवानगी नसलेले धाबे देशी व विदेशी दारूचे अड्डे बनले आहेत, तर ग्रामीण भागात मटका-जुगार आणि गावठी दारू विक्री निर्भयपणे सुरू आहे.
गुटखा बंदीची थट्टा – आरोग्याशी थेट खेळ
राज्य शासनाने कडक बंदी घातलेला गुटखा आजही दुकानांवर, टपऱ्यांवर सहज उपलब्ध आहे.बंदी असताना विक्री सुरू असणे म्हणजे कायद्याची थेट पायमल्ली असून, तरुण पिढीच्या आरोग्याशी उघडपणे खेळ केला जात आहे.प्रश्न एकच — ही विक्री कोणाच्या मर्जीने सुरू आहे?
गुन्हेगारीला खतपाणी, समाज उद्ध्वस्त होण्याच्या मार्गावर
गावठी दारूमुळे वाढते गुन्हे, कौटुंबिक हिंसाचार
मटका-जुगारामुळे अनेक कुटुंबे उद्ध्वस्त
गुटख्यामुळे कर्करोगासारख्या आजारांचे वाढते प्रमाण
हे सर्व वास्तव असताना, प्रशासनाचे मौन धक्कादायक आणि संशयास्पद ठरत आहे.
स्थानिक गुन्हेशाखेचे आशीर्वाद? उघड चर्चेला उधाण
या अवैध धंद्यांवर कारवाई न होण्यामागे स्थानिक गुन्हेशाखेचे मौन आणि कथित आशीर्वाद असल्याची उघड चर्चा आहे.लहान कारवाईचा देखावा केला जातो, मात्र मुख्य अवैध अड्डे मात्र अभयातच आहेत — हे वास्तव नाकारता येत नाही.
गुन्हे वाढतायत, कुटुंबे उद्ध्वस्त — पण प्रशासन गप्प
गावठी दारूमुळे वाढते गुन्हे, मटका-जुगारामुळे कुटुंबांचे आर्थिक कंबरडे मोडले, गुटख्यामुळे तरुणांचे आरोग्य धोक्यात..
हे सर्व सुरू असताना कारवाई होतच नाही, ही बाब प्रशासनाच्या कार्यक्षमतेवर नव्हे तर नियतावरच प्रश्नचिन्ह निर्माण करते.
कायदा अस्तित्वात आहे की नाही? नागरिकांचा थेट सवाल
जळगाव जिल्ह्यात सध्या कायद्यापेक्षा अवैध धंदे अधिक शक्तिशाली झाले आहेत का?जर वेळेत कठोर कारवाई झाली नाही, तर जनतेचा रोष उफाळून येण्याची शक्यता नाकारता येत नाही.
कायदा चालवायचा की अवैध धंदे? आता उत्तर देण्याची वेळ प्रशासनावर आली आहे.
